Песков: Путин се тестира на Ковид-19 колку што е потребно

Од:

Рускиот претседател Владимир Путин се тестира на коронавирус онолку често колку што е потребно, изјави денеска портпаролот на Кремљ, Дмитриј Песков.

-Се тестира онолку често колку што неговиот лекар смета дека е соодветно, кажа Песков денеска, одговарајќи на новинарски прашања, пренесе Тасс.

Песков забележа дека не е запознаен со процедурата на тестирањето на претседателот.

-Не се занимавам со прашања за лекарската нега на претседателот, додаде тој.

Портпаролот на Кремљ напомена дека одлуката на Путин да одржи состанок со неговиот пратеник во крајноисточниот федерален округ Јури Трутнев и министерот за развој на Далечниот Исток и Арктикот Александар Козлов во Кремљ не претставува прекршување на режимот на самоизолација.

-Да, тој вчера дојде во Кремљ, рече Песков, забележувајќи дека претседателот „ не посетува јавни места и не се среќава со голем број луѓе“.

„Се преземаат сите мерки на внимателност“, кажа уште Песков и додаде дека во случај претседателот да се состане со луѓе лице в лице, секој учесник на средбата претходно се тестира на Ковид-19.

Новинарите истакнаа дека Путин и натаму се ракува со лицата со кои се состанува.

-Претседателот се ракува со луѓето кои се внимателно проверени. Значи, во овој случај претседателот има право да го одбере начинот на кој ќе се поздрави, на кој е навикнат и за кој смета дека е соодветен“, објасни портпаролот на Кремљ.

Би можело да ве интересира

Во Бугарија укинат карантинот за граѓаните од ЕУ, Србија и Македонија

А1он

Основците во Грција се вратија во училишните клупи, носењето маска не е задолжително

А1он

По девет седмици, се олеснуваат заштитните мерки во Москва

А1он

Покрај пандемијата со Ковид-19, во светот и еболата зема замав

А1он

Неофицијално околу четири и пол милиони Французи се заразени од Ковид-19

А1он

Над 144 илјади заразени со новиот коронавирус во Африка

Ана Ололовска