Засега нема нови информации за организирање можна средба меѓу Владимир Путин и Џо Бајден, изјави денеска портпаролот на Кремљ, Дмитриј Песков, јави агенцијата ТАСС.
– Не. Сè уште нема што да се каже за можна средба, рече Песков.
Путин и Бајден разговараа телефонски на 13 април.
Според прес-службата на Белата куќа, Бајден предложил одржување на руско-американски самит во трета земја во следните неколку месеци.
Потоа, Бајден понуди средба со неговиот руски колега во Европа на лето.