Песков: Москва сака добри односи со Прага, но не по секоја цена

Од:

Москва ќе остане посветена на подобрување на односите со Прага, но нема да толеирара никакви непријателски чекори, изјави портпаролот на Кремљ, Дмитриј Песков.

Тој додаде дека последните неколку месеци односите помеѓу Русија и Чешка се тензични, истакнувајќи оти Москва жали поради таквиот развој на ситуацијата.

Песков наведе дека Москва не може да остане рамнодушна на непријателските потези на Прага и оти секој таков чекор ќе биде пропратен со одмазда од руската страна.

– Иако сме заинтересирани за одржување на добри односи со сите земји, вклучително и Република Чешка, никогаш нема да останеме слепи за непријателските потези, истакна Песков.

Претходно, руското Министерство за надворешни работи најави дека двајца чешки дипломати ќе бидат прогласени за персона нон-грата, откако двајца руски дипломати беа протерани од Чешка на почетокот од месецов.

Руската амбасада во Прага на 5 јуни доби нота од чешкото Министерство за надворешни работи, со која ја известува за протерување на двајца руски дипломати, кои чешкиот премиер Андреј Бабиш претходно ги прогласени за персона нон-грата.

Тој тврдеше дека вработен во руската Амбасада испратил лажни информации до чешката разузнавачка служба за планиран напад врз чешки политичари, со што, како што изјави Бабиш, придонел за „понатамошно нарушување на односите меѓу Чешка и Русија“.

Би можело да ве интересира

Горбачов: Русија да спречи натамошен конфликт меѓу САД и Кина

Ана Ололовска

Лавров: „Северен поток 2“ стана прашање на честа за Германија

Ана Ололовска

Бројот на новоинфицирани со Ковид-19 во Русија дневно може да порасне и до 9.000 лица

Ана Ололовска

Бабиш: Мигрантите треба да се запрат и да се вратат во матичните земји

Ана Ололовска

Москва ги осуди тврдењата на Зеленски за поделба на светот

Ана Ололовска

Кремљ верува дека Париз не го обелоденил разговорот Путин-Макрон

Ана Ололовска