Деескалација на територијата на Украина може да се случи само како резултат на откажувањето на украинските вооружени сили од провокативни дејствија, изјави денеска портпаролот на Кремљ, Дмитриј Песков.
– Веруваме дека загриженоста на сите, вклучително и на САД, во врска со движењето на нашите вооружени сили во Русија, е неоснована. Во Украина деескалација може да се случи само како резултат на откажувањето на украинската војска од провокативни акции, истакна Песков, одговарајќи на прашањето дали претседателите на Русија и на САД постигнале разбирање за ова прашање по телефонскиот разговор.
Осврнувајќи се на тоа дали Путин и Бајден планираат да разговараат за ситуацијата во југоисточна Украина, тој нагласи дека е „рано е да се зборува за оваа средба од гледна точка на спецификите. Тоа е нов предлог, ќе се разгледа, ќе се изврши анализа. Лидерите се согласија дека темата за таков состанок ќе биде дополнително разгледана преку дипломатски канали“.
– Сè уште нема подготовки за таква средба, затоа е рано да се отвораат тие прашања, изјави портпаролот на Кремљ.