Пентагон вети ликвидација и на наследниците на лидерот на Исламската држава

Од:

Сите наследници на Абу Бакр ал-Багдади, предводник на терористичката организација „Исламска држава“, ќе бидат уништени, изјави денеска Марк Еспер, првиот човек на Пентагон.

-Ова е уништувачки удар. Тој не е само лидер, туку нивен основач, кој за нив беше инспирација во повеќе погледи… Ние внимателно ќе го следиме развојот на ситуацијата. И кога ќе се појави нов лидер или лидери, ќе дојдеме и по нив, изјави Еспер за Си-Ен-Ен.

Претходно, американскиот претседател Доналд Трамп ја потврди ликвидацијата на терористот во Идлиб, кога тој се разнел себеси во тунел, заземен од американски војници.

Според достапните информации, терористот бил убиен во тек на специјална операција предводена од САД во сириската провинција Идлиб, каде, како што кажа Трамп, се наоѓа „последното прибежиште“ на ИД.

Ал Багдади се обидувал да се скрие со три деца во населен комплекс со многу подземни тунели. Кога последниот тунел бил заземен од американски војници, ал-Багдади активирал експлозивна направа, при што загинале и децата.

Трамп изјави дека терористот бил идентификуван со помош на експертиза на останките, и се заблагодари за помошта од Русија, Сирија, Турција, Ирак, и на Курдите.

Абу Бакр ал-Багдади ја предводеше Исламската држава од моментот на нејзиното појавување во 2014 година, кога тој објави калифат на територијата на Сирија и Ирак.

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски