Пентагон веројатно в четврток ќе добие нов шеф

Од:

По повеќемесечно одложување, се очекува американскиот претседател Доналд Трамп да побара од Сенатот да го потврди Марк Еспер за наследник на поранешниот министер за одбрана Џим Матис.

Оставката на Матис пред седум месеци покрена во Пентагон досега незабележан период на нестабилност на највисоко ниво.

Американските медиуми пишуваат дека на именувањето на Еспер се работи повеќе недели, а тој веќе ја врши функцијата вршител на должност шеф на Пентагон.

Меѓутоа, Еспер ќе мора да ја напушти оваа времена функција додека Сенатот го разгледува неговото именување.

Наместо Еспер, за вршител на должност министер за одбрана ќе биде поставен Ричард Спенсер, кој од август 2017 година ја врши функцијата цивилен раководител на американската Воена морнарица.

Се очекува Спенсер да биде кратко на министерската функција, бидејќи Еспер уште в четврток би требало да биде потврден како нов шеф на Пентагон, по што ќе положи заклетва, а Спенсер ќе и се врати на Воената морнарица.

Сенатот, каде мнозинството го сочинуваат републиканците, утре ќе одржи сослушување на Еспер, кој стана вршител на должност министер за одбрана на САД откако времениот шеф на Пентагон Патрик Шенахан ненадејно поднесе оставка.

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски