Пентагон: Кинеските и руските амбиции во Вселената се закана по националната безбедност на САД

Од:

Во најновиот извештај „Безбедносни предизвици во Вселената“ на американската Одбранбена разузнавачка агенција се наведува дека како на Земјата така и во Вселената, Кина и Русија претставуваат најголема закана по интересите на националната безбедност на САД.

dobivaj vesti na viber

Според извештајот Кина и Русија во изминатите две години ги зголемиле своите вселенски капацитети за речиси 70 проценти, додека во периодот од 2015 до 2018 година нивните капацитети биле двојно зголемени.

– Стремежот за модернизација и градење капацитети на двете земји се рефлектира во речиси сите главни категории на Вселената – сателитски комуникации, далечинско детекција, навигација и научно-технолошки демонстрации. Двете земји се развиваат во исти насоки, а тоа е зајакнување на сопствените вселенски капацитети, а во исто време ги подобруваат сопствените способности за да ги осуетат напорите на САД, се посочува во извештајот.

Кина во јули минатата година успешно тестираше интерконтинентална балистичка ракета со хиперсонично лизгачко летало што кружеше околу светот во нецелосна орбита.

– Прелета растојание до 40.000 километри, а најдолгиот лет траеше повеќе од 100 минути, што е повеќе од кој било кинески вооружен систем за копнен напад досега, се истакнува во извештајот.

Во ноември 2021 година, Русија изврши тестирање на антисателитски ракети, уништувајќи еден од нејзините застарени сателити.

– Иако и Кина и Русија, за разлика од Соединетите Држави, имаат вселенски програми кои прават мала разлика помеѓу воените и цивилните напори, тие имаа малку поинакви пристапи за користење на просторот за подобрување на нивната борбена ефикасност, изјави аналитичарот за одбранбено разузнавање, Кевин Рајдер.

Според него Кина, поради поголемите економски предности, ги зголеми своите способности и инвестираше повеќе финансиски и воени напори во развојот на нови и подобри капацитети. Русија, од друга страна, е помодерна поради другите напори вложени во модернизација на армијата.

Во извештајот се истакнува и дека кинеските и руските амбиции не завршуваат во орбитата на Земјата и оти планираат мисии на Месечината, каде што би можеле да ги искористат нејзините огромни природни ресурси.

Извор: МИА

Би можело да ве интересира

Потрага по 27 исчезнати лица откако се преполови брод во Јужно Кинеско Море

Ана Ололовска

Првиот кинески тајфун годинава го погоди јужниот брег на земјата, можни рекордни врнежи

Ана Ололовска

Путин: Ќе ја забрзаме интеграцијата на Русија со Белорусија поради притисокот од Запад

Предраг Петровиќ

Кадиров најави дека руската армија е пред градот Новодружеск

Руската амбасадорка во Бугарија ќе предложи затворање на амбасадата во Софија

Катерина Павлова-Николовска

Заков: Протерувањето на руските дипломати од Бугарија е логично