Пентагон и се закани на Турција поради рускиот противракетен систем

Од:

Пентагон ѝ се закани на Турција со „технички последици“ во случај да се реализира купувањето на рускиот противракетен систем С-400, пишува американскиот весник „Хил“.

Портпаролот на Пентагон, Чарлс Самерс изјави дека тоа многу лошо ќе се одрази на целокупната воена соработка на САД и Турција.

Турција, која е членка на НАТО, планира да купи руски ракетен систем, додека САД се обидуваат да ја убедат дека треба да се одлучи за нивниот систем „Патриот“.

Самерс рече дека Турција, ако купи С-400, нема да ги добие борбените авиони Ф-35, ниту системот „Патриот“.

Турскиот претседател Реџеп Тајип Ердоган ги отфрли тие наводи, истакнувајќи дека одлуката веќе е донесена.

– С-400 е готова работа, нема враќање. Постигнавме договор со Русија. Имаме во план заедничка соработка. Можеби по С-400, ќе има и С-500, рече Ердоган за турскиот Канал 24.

Турција е партнер во производството на Ф-35. Деловите на авионите се прават во таа земја и Турција треба да добие 116 борбени авиони од петтата генерација.

Би можело да ве интересира

Постигнат договор во ОПЕК за намалување на дневното производство на нафта

А1он

Разознавачи во САД уште во ноември предупредиле за опасната болест во Вухан

А1он

Димитров: Високо ја цениме несебичната поддршка со медицинска опрема од Турција

А1он

Турска помош од маски, скафандери и тестови пристигна во земјава

А1он

Петмина шумски работници загинаа во експлозија во Турција

А1он

Вархеји: Осумстотини милиони евра помош за Западен Балкан и Турција од ЕУ

А1он