Во интервјуто за американската национална телевизија „Фокс њуз“, американскиот потпретседател Мајк Пенс соопшти дека посветеноста на администрацијата на Трамп е одговорна и претпазлива во врска со пандемијата која се прошири низ целата земја.
Потпретседателот нагласи дека уште со одлуката на претседателот во јануари за забрана на патување во повеќе земји на американските граѓани и пред се доаѓањето на граѓаните од Кина, а потоа и од Европа се создал временски простор за поефикасна превенција против пандемијата.
Пенс ги негираше сите обвинувања во јавноста поради наводната неодговорност на Трамп за спречување на вирусот во САД, и додаде дека претседателот успешно соработува со локалните власти на сојузните држави.
Тој потенцираше дека главната цел на Трамп во овој период на застој е да ја „врати земјата на правилната патека“, а тоа е поддршка на малите бизниси, земјоделството како и на семејствата.
„Апелирам до граѓаните да ги почитуваат мерките кој ги потпиша претседателот, да се погрижат за хигената, да мијат раце, да избегнуваат да излегуваат на јавни места и да ја почитуваат социјалната дистанцираност, очекувам наскоро економијата да продолжи со активностите“, додаде Пенс во интервјуто.