Пекинг повторно ја потврди поддршката за лидерката на Хонг Конг, и покрај поразот на локалните избори

Од:

Кинеската Влада денеска соопшти дека ќе продолжи „решително“ да ја поддржува хонгконшката лидерка Кери Лам и покрај вчерашната победа на продемократската опозиција на локалните избори во градот, пренесоа светските агенции.

Портпаролот на кинеското Министерство за надворешни работи, Ган Шуан ја потврди и решеноста на Пекинг да „се спротивстави на мешањето во внатрешните работи на Хонг Конг од која и да било странска сила“, забележаа агенциите.

Продемократската опозиција во Хонг Конг соопшти дка освоила речиси 90 проценти од 452-те места во окружните совети на градот, што ќе и овозможи да преземе досега невидена контрола врз 17 од вкупно 18-те окружни совети, потсетуваат американските медиуми.

Резултатите од гласањето може да ја натераат централната власт во Пекинг уште еднаш да размисли за пристапот кон протестите во Хонг Конг, што навлегуваат во шестиот месец.

Окружните совети реално имаат мала власт, но изборите се претворија во референдум за општествената поддршка за протестите.

Портпаролот на кинеското МНР денеска повтори дека „запирањето на насилството и враќањето на мирот сега се најитните задачи на Хонг Конг”.

Би можело да ве интересира

Хонг Конг ги затвори сите училишта поради новозаразени со Ковид-19

Ана Ололовска

СЗО испраќа експерти во Кина да го утврдат потеклото на коронавирусот

Ана Ололовска

Кинеската авиоиндустрија со загуба од речиси пет милијарди долари поради Ковид-19

Ана Ололовска

Ванг: На Кина и на САД им требаат попозитивни пораки

Ана Ололовска

Во Хонг Конг предупредуваат за трет бран на епидемијата на новиот коронавирус

Ана Ололовска

Австралија го суспендира договорот за екстрадиција со Хонг Конг

Ана Ололовска