Откако американскиот воен авион во саботата го собори кинески балон над Атлантикот за кој САД тврдеа дека е шпионски, официјален Пекинг жестоко реагираше.
Велат дека го задржуваат правото да „преземат понатамошни дејствија“, критикувајќи ги САД за „јасно претерано реагирање и сериозно кршење на меѓународната практика“.
Официјален Пекинг во соопштение вели дека Кина цврсто ги поддржува легитимните права и интереси на компанијата што го поседува балонот и во исто време го задржува правото да „преземе дополнителни мерки како одговор“ на американското соборување на балонот, пренесе АП. .
Присуството на балони на небото над САД оваа недела им зададе нов удар на веќе затегнатите односи меѓу САД и Кина кои се влошуваат со години и го натера американскиот државен секретар Ентони Блинкен нагло да го откаже претходно договореното патување во Пекинг, наведува агенцијата.