Партнерката на Џулијан Асанж, адвокатката со шпанско и шведско државјанство, Стела Морис, денеска побара од американскиот претседател Доналд Трамп да го помилува основачот на Викиликс.
– Ве молам донесете го дома за Божик, напиша Морис на Твитер на американскиот празник, Денот на благодарноста.
Таа објави и фотографија од нивните две деца.
– Ова се синовите на Џулијан, Макс и Гejбриел. Ним им е потребен татко. Нашето семејство треба повторно да е заедно, рече Морис.
Асанж (49) е во затвор во Велика Британија и чека одлука дали ќе биде екстрадиран во САД, каде се соочува со обвиненија за шпионажа. Морис тврди дека тој може да се движи само во затворската ќелија поради ограничувањата и пандемијата со Ковид-19.