Во Белорусија денеска се одржуваат парламентарни избори на кои право на глас имаат околу седум милиони гласачи.
На повеќе од 6.000 гласачки места ќе се бираат 110 претставници на Долниот дом на парламентот од вкупно 448 кандидати.
Во актуелниот состав на парламентот нема членови на опозицијата, а опозицискиот лидер нема големи надежи дека може да оствари силно присуство во парламентот.
Во Белорусија се одржуваат парламентарните избори на кои ќе се изберат 110 пратеници, но на нив не учествуваат двете главни опозициски партии – Белорускиот народен фронт и Обединета граѓанска иницијатива.
Тие донесоа одлука за повлекување на кандидатите, од страв од наместени избори и поради тоа што Белорусија и понатаму држи политички затвореници.
Власта овој бојкот го оцени како злоупотреба на политичката слобода.
Анкетите покажуваат дека белорускиот претседател Александар Лукашенко, кој има голема поддршка од пензионерите и државните службеници, има големи шанси да победи иако неговата популарност се намалува од економската криза 2011-та.