На Филипини денеска се одржуваат избори за Конгресот и за локалните собранија.
Околу 62 милиони Филипинци со право на глас ќе избираат помеѓу 43.500 кандидати за околу 18.000 места во Конгресот и локалните собранија.
Денешните избори се сметаат за клучни за опстанокот на претседателот Родриго Дутерте.
Најважното гласање е за освојување на 12 места во Сенатот од вкупно 24, а Дутерте сака да ги исполни со свои приврзаници, со цел да го зајакне законодавството, кое предвидува повторно воведување на смртна казна, намалување на границата за кривична одговорност на децата и ревизија на Уставот од 1987 година.
Претставниците на опозицијата оценуваат дека Сенатот е последниот бастион за проверка на силите на приврзаниците на Дутерте во долниот Претставнички дом.