Париз сака договор за мигрантските прашања меѓу ЕУ и Велика Британија

Од:

Францускиот министер за внатрешни работи Жералд Дарманен повика на преговори за договор за мигрантските прашања меѓу Европската унија и Велика Британија.

– Треба да одржиме преговори за договор, бидејќи преговарачот на ЕУ Мишел Барние не го стори тоа како дел од преговорите за брегзит, изјави Дарманен, додавајќи дека Франција ќе го разгледа прашањето од 1 јануари кога ќе го преземе шестмесечно претседателство со ЕУ.

Дарманен ги повика британските власти да ги исполнат своите ветувања за финансирање на борбата против илегалната имиграција на францускиот брег.

– Владата во Лондон не учествуваше финансиски како што беше ветено досега. Ги повикуваме Британците да ги исполнат своите финансиски ветувања, рече францускиот министер.

На крајот на јули, Велика Британија се обврза да и даде на Франција 62,7 милиони евра за периодот 2021-2022 година за да ја зајакне борбата против илегалната имиграција на бреговите на Франција.

Британските медиуми објавија дека британската министерка за внатрешни работи, Прити Пател, на почетокот на септември се заканила дека нема да има плаќања поради доаѓањето на мигрантите што го минуваат Ламанш.

– Франција ја обезбедува границата за нашите британски пријатели повеќе од 20 години, наглчаси Дарманен и потсети дека Франција дополнително ангажирала жандарми и технолошки средства за заштита на границата.

Би можело да ве интересира

ОЕЦД: Светската економија годинава ќе закрепне од пандемската криза

А1он

Во близина на граничниот премин Богородица пронајдени пет мигранти од Сирија

А1он

Генералниот директор на „Оранж“ осуден на условна казна затвор

А1он

Пакистанци и малолетници од Авганистан во импровизиран камп на границата со Србија малтретирале и уценувале мигранти

Катерина Павлова-Николовска

ВИДЕО: Жесток судир на демонстрантите и полицијата во Париз на годишнината од „Жолтите елеци“

Катерина Павлова-Николовска

Естонија поставува ограда на границите со Русија за да се заштити од мигрантски бран