Париз: Обилните дождови поплавија улици и метро станици и го нарушија сообраќајот

Од:

По неколкунеделниот топлотен бран, попладнево заврна пороен дожд во Париз, предизвикувајќи повеќекратни поплави на улиците и метро станиците. Според Каналот Метео, за помалку од еден час паднале 10 до 40 mm дожд, што е еквивалентно на две до три недели врнежи, јави дописникот на МИА.

dobivaj vesti na viber

Во 15-тиот арондисман на главниот град, корисниците на станицата Балард мораа да ги стават нозете во вода за да пристапат до платформите, бидејќи водата навлегла во станицата.

Малку по 18:00 часот, неколку станици последователно го затворија пристапот поради лошото време.

И покрај затворените станици, „сообраќајот е нормален“, изјави портпаролот на РАТП. Сообраќајот од друга страна беше „во прекин на целата линија Орливал“ што ја одржува врската помеѓу станицата Антониј на RER B и аеродромот Орли.

Сообраќајот по улиците беше погоден, поради неколку поплавени булевари, покажуваат бројните слики објавени на социјалните мрежи. Авенијата Њујорк исто така била под вода, според интернет корисниците.

Забавување на сообраќајот забележа и СНЦФ. На линијата J на трансилиен, помеѓу Париз Сен Лазар и Ермон-Обон, „временските услови го нарушуваат сообраќајот“, се наведува на Твитер профилот на државната железница.

Извор: МИА

Би можело да ве интересира

Франција подготвува испорака на нови самоодни хаубици „Цезар“ во Украина

Ана Ололовска

ВИДЕО: Силно невреме го погоди Белград, во некои делови од градот предизвикани поплави

А1он

Франција планира да позајми рекордни 270 милијарди евра на пазарите во 2023 година

А1он

Во пожарот на пазарот во близина на Париз нема жртви

Ана Ололовска

(ВИДЕО) Пожар во Париз: Гори најголемиот пазар во светот

Ана Ололовска

Повлечено млекото за бебиња „Кандиа“ од сите продажни места во Франција

Ана Ололовска