Француското Министерство за надворешни работи денеска побара итно ослободување на двајца француски државјани, кои се приведени во Иран.
Француската Влада го осудува ова неосновано апсење. Бараме итно ослободување на овие двајца француски државјани, се наведува во соопштението на Министерството за надворешни работи.
Иранското Министерство за разузнавање вчера објави дека двајца „Европејци“ се уапсени под обвинение дека сакале да ја „дестабилизираат земјата“.
– Двајцата уапсени се обвинети дека во соработка со странски разузнавачки служби организирале хаос и социјални немири со цел да се дестабилизира Иран, објави иранската државна телевизија, цитирајќи го Министерство за разузнавање.
Извор: МИА