[staff name=”Елена Георгиевска” position=”Автор”][/staff]Папата Бенедикт Шестнаесетти денес зборуваше за моментите на радост и светлост, но и за „заматените води“ во текот на последното обраќање на верниците, пред да ја напушти светата столица.
Папата дојде на плоштадот Св. Петар, каде што го дочекаа повеќе од 150 илјади верници и туристи, кои што се собрале за да го слушнат последен пат.
Многу од присутните носеа натписи со „Благодарам“, кое беше испишано на повеќе јазици.
Имаше моменти на радост и светлина, но и моменти кои не беа лесни, кога ветровите дуваа во спротивен правец, како и во текот на целата историја на црквата кога изгледаше дека Господ спие. Но секогаш знаев дека црквата не е моја, ниту нивна, туку е негова и тој нема да дозволи таа да потоне – изјави подглаварот на Римокатоличката црква.
Папата Бенедикт им се заблагодари на кардиналите, колегите и верниците за поддршката и почитувањето на неговите одлуки, да биде прв папа кој по 600 години поднесе оставка.
Тој истакна доколку ја сакаш црквата треба да имаш храброст да донесуваш тешки и болни одлуки. Секогаш треба да се земе в предвид доброто на црквата, а не своето.
Папата кој наскоро ќе наполни 86 години изјави дека одлуката за повлекување од должноста ја донел свесно и дека чувствува мир на душата.
Тој потсети дека откако стана папа во 2005 година, голем терет носел на своите плеќи и дека нема приватен живот.
Бенедикт повтори дека целосно ќе се повлече од активниот живот.
Нема да го напуштам крстот, но сепак ќе останам со Господ – изјави папата, додавајќи дека ќе остане во служба со молитви.
Ватикан соопшти дека папата по повлекување ќе го носи името „папа емеритус“, и ќе ја задржи почесната титула „неговата светлост“.
Тој и понатаму ќе носи бела облека, но без капа, црвени чевли и обележја.