Папата одржа миса на Бадник

Од:

Поглаварот на Римокатоличката црква, папата Франциск, денеска одржа миса на Бадник пред околу 1.500 верници во црквата Свети Петар, држејќи богослужба и покрај новиот скок на бројот на случаи на Ковид-19 во Италија.

Папата со маска на лицето прошета низ централниот премин на црквата со пеење на хорот на Сикстинската капела, која ги започна богослужбите по повод Божиќните празници во Ватикан, кога се слави раѓањето на Исус во Витлеем.

Полноќната миса всушност започна во 19.30 часот, делумно поради издржливоста на 85-годишниот папа, а делумно како нешто што е пренесено од минатата година кога богослужбата мораше да заврши пред полицискиот час кој беше во сила низ Италија.

Оваа година нема полициски час, но бројот на случаи неделава скокна дури и над нивото од 2020 година. Италија втор ден по ред има нов дневен рекорд на новозаразени со 50.599 случаи. Во претходните 24 часа починаа 141 лице, со што вкупниот број на починати во земјата во пандемијата се искачи на 136.386.

Државниот секретар на Ватикан воведе нова задолжителна вакцинација за сите вработени во Ватикан, проширувајќи ја на сите освен оние кои го прележале коронавирусот. Претходно, вакцинацијата беше задолжителна само за оние кои се во директен контакт со јавноста, како што се вработените во Музејот на Ватикан и членовите на Швајцарската гарда, додека другите можеа да одат во просториите на Ватикан со редовно тестирање.

Задолжителната вакцинација не важи за верниците кои присуствуваат на миса, но тие мора да носат маски.

Папата Франциск рече дека вакцинацијата е „чин на љубов“ и ги повика побогатите земји да обезбедат вакцини за земјите во развој.

Би можело да ве интересира

Обичаи за вториот ден од Божиќ: Заблагодарете се на Богородица

А1он

Познати личности кои слават Божиќ на 7 јануари

А1он

Мицкоски во Божиќната честитка: Раѓањето на синот Божји ја симболизира надежта за подобро утре

А1он

Ковачевски со честитка за Божиќ: Раѓањето Христово е симбол за нов почеток, за нови можности што носат добро за сите!

А1он

Православните христијани го слават Христовото раѓање

А1он

(ВИДЕО) Зечевиќ за Божиќ: Симболот на раѓањето нова надеж, нека биде поттик за добри дела и нова можност за сегашните и идните генерации

Предраг Петровиќ