Папата ја повика Европа за солидарност при пандемијата

Од:

Папата Франциск ја повика Европа да покаже „солидарност“ низ целиот свет во пресрет на економското закрепнување од пандемијата на коронавирус, во своето обраќање за време на посетата на Словачка, една од најтешко погодените земји во Европа.

На своето прво патување во странство по операцијата на дебелото црево во јули, 84-годишниот поглавар на Римокатоличката црква ја нарече пандемијата „најголемиот тест на нашето време“.

– Тоа не научи колку е лесно, дури и кога сме сите во ист брод, да излеземе и да размислиме за себе си, истакна папата.

Словачка, која е членка на Европската унија и има 5,4 милиони жители, оваа година има највисока стапка на инфекција и смртност по глава на жител во светот за неколку недели.

– По долги месеци на пандемија, со јасна свест за проблемите со кои се соочуваме, нестрпливо очекуваме економски подем со помош на плановите за обнова на Европската унија, нагласи папата во словачкиот главен град Братислава.

Но, тој предупреди против „минливото чувство на еуфорија“ и фокусирање на придобивките кога земјите почнаа да закрепнуваат, и наместо тоа, побара Европа да покаже „солидарност, која, преминувајќи ги границите, може да ја врати во центарот на историјата“.

Папата Франциск ќе се сретне и со еврејската заедница во Словачка подоцна денеска, еден ден откако предупреди дека антисемитизмот се уште „демне“ низ целиот свет.

Би можело да ве интересира

Научниците алармираат поради новата варијанта на Ковид-19

Горан Наумовски

Прва тужба во Германија поради последиците од вакцината против корона на Фајзер

Ана Ололовска

Ватикан ги откри најновите информации за здравствената состојба на папата

Ана Ололовска

Кинески научник: Можно е пандемијата да започнала со истекување на вирусот од лабораторија

Ана Ололовска

СЗО прогласи крај на пандемијата на коронавирус

Ана Ололовска

Шефот на СЗО: Не можеме да знаеме како настанала короната додека Кина не ги објави своите податоци

Ана Ололовска