Папата Франциско: Мојата посета на ОАЕ е ново поглавје во односите

Од:

Поглаварот на Римокатоличката црква, папата Франциско, упати топли поздрави до раководството и до народот на Обединетите Арапски Емирати пред својата посета на таа држава во февруари.

Во видео-пораката, која ја објави Ватикан, папата рече дека ОАЕ е земја, која ги почитува различностите и во која голем број луѓе наоѓаат сигурно и спокојно место за слободен живот и работа.

Порача дека се радува на средбата со луѓето, кои го живеат својот момент во сегашноста, а се радуваат на иднината.

Цитирајќи го починатиот шеикот Зајед бин Султан Ал Нахјан, основач на ОАЕ, папата рече: „Вистинското богатство не лежи само во материјални работи. Вистинското богатство на една нација го сочинуваат поединци кои имаат слух за иднината, која е пред нив “.

Папата се заблагодари на шеикот Мухамеду бин Зејад Ал Нахјану, крунисан принц на Абу Даби и заменик на врховниот командант на вооружените сили на повикот да учествува во дијалогот на религиите наречен „Братство меѓу луѓето”.

– Верата ни поврзува дури и кога сме соочени со разлики. Тоа нè држи подалеку од непријателство и рамнодушноста. Среќен сум што Бог ми ја даде оваа можност, која ќе создаде ново поглавје во историјата на меѓуверските односи, наведе папата.

Тој пораката ја заврши со зборовите: Се радувам на средбата со семејството Зајед во нивниот дом, дом на просперитет и мир, дом на соживот и соработка.

Би можело да ве интересира

ВИДЕО: Зеленски се сретна со папата

Ана Ололовска

Папата Франциск: Украина треба да се откаже од офанзиватa

ВИДЕО: Путин се сретна со шефот на Обединетите Арапски Емирати

Ана Ололовска

ОАЕ ќе испратат амбасадор во Иран, градат подобри односи

Ана Ололовска

Бенет во неочекувана посета на ОАЕ

Ана Ололовска

Франција преговара со ОАЕ за замена на руската нафта

Ана Ололовска