Папата Франциск утре ќе устоличи нови кардинали

Од:

Папата Франциск, кој неодамна изјави дека може да се пензионира поради своетo здравје, утре ќе устоличи 20 нови кардинали, од кои многумина еден ден може да го изберат неговиот наследник.

dobivaj vesti na viber

Тоа ќе биде осмиот состанок на кардиналскиот совет откако 85-годишниот Франциск е избран во 2013 година и внимателно се следи за да се види дало папата со својот избор ќе открие каква католичка црква сака да остави зад себе.

Новите кардинали вклучуваат свештеници познати по своите прогресивни ставови и пастирска работа. Тие доаѓаат од сите страни на светот, од Бразил до Нигерија, Индија, Сингапур и Источен Тимор.

По утрешната заклетва во базиликата Св. Петар во Ватикан, тие ќе се придружат на дводневниот состанок на сите кардинали в понеделник.

Годинава собирот беше свикан порано со цел да се анализира новиот план на папата за управување со црквата. Но, само поттикна шпекулации дали папата си заминува, јавија италијанските медиуми.

Папата Франциск, кој изминативе месеци откажа низа настани и мораше да користи инвалидска количка поради проблеми со коленото, минатиот месец истакна дека „отворени му се вратите“ за заминување.

Ако тој тргне по патот на својот претходник Бенедикт Шеснаесетти и поднесе оставка, ќе биде свикана конклава на сите кардинали помлади од 80 години, кои ќе изберат негов наследник.

По викендов, во кардиналското тело ќе има 132 кардинали со право на глас. Деведесет од нив се назначени од Франциск, а тоа е околу две третини од вкупниот број, токму колку што е потребно за да помине предложено име.

Извор: МИА

Би можело да ве интересира

Папата испрати порака до Израел и Палестина: Насилството убива, барајте дијалог

Ана Ололовска

Папата увери дека Црквата работи на борбата против педофилијата

Горан Наумовски

Папата Франциск во Бахреин повика да не се прекршуваат човековите права на шиитите

Ана Ололовска

Папата Франциско упати молитви за жртвите од трагедијата во Сеул

Ана Ололовска

Папата Франциск: Калуѓерки и свештеници гледаат порнографија, од таму доаѓа ѓаволот

Ана Ололовска

Папата се сретна со францускиот претседател Емануел Макрон

Ана Ололовска