Папата Франциск првпат именува жени во советодавниот одбор на бискупи

Од:

Папата Франциск денеска именуваше три ќени за членки на Ватиканската канцеларија која ги проверува номинациите за бискупи, со што жените добиваат право на глас во управувањето со католичката црква.

dobivaj vesti na viber

Дикастериумот за бискупи ја надгледува работата на повеќето од 5.300 епископи, кои водат епархии ширум светот. Дикастериумот е составен од кардинали, бискупи и првпат и од жени, има периодични средби на кои се оценуваат предложените нови бискупи.

Папата сепак ја носи конечната одлука и може да ги заобиколи кандидатите предложени од неговите амбасадори, кои потоа се проверени од Дикастериумот.

Додавањето жени во процесот на консултации е сепак значајно и е одговор на повиците да се прекине свештеничката хиерархија на Светата столица, која се состои само од мажи, и на барањата жените да имаат поголемо учество во одлучувањето во црквата.

Новите членови се калуѓерката Рафаела Петрини, која веќе има висока позиција во Ватикан како генерален секретар на државата Ватикан, која раководи со ватиканските музеи и другите административни делови на територијата. Потоа калуѓерката Ивон Реунгот, поранешена претпоставена на религиозниот ред Ќерките на Марија и Марија Лиа Зервино, претседателка на Светската унија на католички женски организации.

Извор: МИА

Би можело да ве интересира

Папата го осуди „дивјаштвото“: „Украина е маченик“

А1он

Папата Франциск на годишнината од експлозијата во Либан се помоли за семејствата на жртвите

А1он

Папа Франциск: Ќе успорам или ќе се повлечам, папата можете да го смените

Папата на миса во Канада повика да заврши маргинализацијата на домородците

Папата ја обвини Русија за агресија и империјализам во Украина

Папата ја осуди свирепоста на руските сили во војната во Украина, која можеби беше „предизвикана“

А1он