Папата Франциск повика на солидарност со жртвите од СИДА

Од:

Папата Франциск денеска, по повод Светскиот ден за борба против СИДА-та, повика на обновување на солидарноста со луѓето кои живеат со ХИВ за да им се гарантира грижа во најсиромашните делови на светот.

Папата на општа аудиенција рече дека Светскиот ден за борба против СИДА-та е важен повод да се потсетиме на луѓето заразени со вирусот.

– Во некои делови од светот нема основна здравствена заштита. Се надевам дека е возможна обновена посветеност на солидарноста со цел да се гарантира ефективна и еднаква здравствена заштита (за луѓето кои живеат со ХИВ), рече Папата.

УНАИДС, програмата на ОН за ХИВ и СИДА во Женева, во понеделникот предупреди дека пандемијата на коронавирус ја ослабува борбата против СИДА-та во многу области и дека услугите за луѓето кои користат лекови за ХИВ се нарушени во 65 отсто од 130 земји.

СЗО наведува дека на крајот на 2020 година, 37,7 милиони луѓе во светот биле заразени со ХИВ, од кои повеќе од две третини во Африка.

Во писмото минатиот месец, Папата му се заблагодари на американскиот новинар Мајкл О’Лафлин кој напишал книга за работата на католиците кои им помогнале на жртвите од СИДА на почетокот на кризата во 1980-те години.

Би можело да ве интересира

Нови случаи на ХИВ и еден на СИДА во Македонија, сите се мажи на возраст 20 и 39 години

Орце Костов

Г. г. Стефан во посета на Рим и Ватикан, денеска на средба со папата Франциск

Папата Фрациска повика на итно отворање коридор за цивилите од Газа

Промоција на книга од папата Франциск на македонски јазик

За еден месец осум нови случаи на Сида – тројца странци со престој во Македонија

А1он

(ВИДЕО) Сталоне во Ватикан, разменија боксови со папата: Ги гледав твоите филмови

Предраг Петровиќ