Папата Франциск ги критикуваше лажните вести за коронавирусот и вакцините

Од:

Поглаварот на Римокатоличката црква Франциск денеска го осуди објавувањето на лажни вести за коронавирусот и вакцините и апелираше да им се помогне на луѓето кои веруваат во такви лаги, да ги разберат вистинските научни факти.

dobivaj vesti na viber

Папата Франциск се сретна со католичките новинари кои формираа мрежа за проверка на фактите во обид да се борат против дезинформациите за пандемијата.

Тој постојано повикува на одговорно новинарство кое ја открива вистината и ги почитува поединците, а пораката ја повтори и на средбата со новинарите кои работат на проверка на фактите.

– Тешко е да не се забележи дека деновиве, заедно со пандемијата, се шири „инфодемија“, искривување на реалноста засновано на страв, што во нашето глобално општество доведува до експлозија на коментари за измамнички, но и измислени вести, истакна папата Франциск.

Папата смета дека пристапот до точни информации, засновани на научни податоци, е човеково право кое особено мора да им се гарантира на оние кои се помалку способни да направат разлика меѓу вистината и многуте дезинформации претставени на интернет како факти.

Тој повика на милостив, мисионерски пристап кон оние кои стануваат жртви на лажни вести и апелираше да им се помогне да ја разберат вистината.

Некои католици, вклучително и некои конзервативни американски бискупи и кардинали, тврдат дека вакцините се засноваат на истражувања кои користат клетки добиени од абортирани фетуси и одбиваат да се вакцинираат.

Папата Франциск е целосно имунизирани со вакцините на Фајзер/Бионтек.

Извор: МИА

Би можело да ве интересира

Папата ја обвини Русија за агресија и империјализам во Украина

(ВИДЕО) Филмска потера пред Ватикан: Албанец ја проби блокадата со автомобил, полицијата пукаше во гумите

Ана Ололовска

Папата ја осуди свирепоста на руските сили во војната во Украина, која можеби беше „предизвикана“

А1он

Папата Франциск ги одложи посетите на Конго и Јужен Судан поради повреда на коленото

А1он

Фон дер Лајен со папата Франциск разговараше за војната во Украина и кризата со храна

А1он

(ВИДЕО) Ковачевски: Взаемната доверба и пријателство со Ватикан е потврдена преку заедничкото историско, културно и религиско наследство

Катерина Павлова-Николовска