Во шпанските одморалишта владее планика, бидејќи во близина на плажите била забележана најбрзата ајкула на светот која може да се движи со брзина од 70 километри на час, пренесуваат медиумите во светот.
Станува збор за мако ајкула која нуркачите ја забележале на околу 15 километри од брегот на Барселона, што е прво појавување во оваа област во последните 10 години.
Според нуркачите, оваа ајкула може да биде долга и до пет метри. Во моментов, според написите е долга два и пол метри.
Ајкулата сосема случајно ја забележале нуркачите во близина на селото Гараф за време на експедиција на здружението „Китови“. Инаку, ова здружение ги надгледува китовите, делфините и морињата поради длабочината на водите на овој простор.
“Видовме како се движи голема црна сенка. Бевме малку збунети. Но наеднаш видовме дека нешто излегува од морето. Набрзо забележавме грбна перка”, изјавил фотографот за шпанскиот весник „El Pais“.
Иако најмногу предизвикуваше страв, еколозите велат дека појавата на ајкулата е добар знак за медитеранскиот екосистем бидејќи овој вид е повеќе од загрозен.
Експертите додаваат дека големиот предатор е далеку од опасен за луѓето и е клучна компонента на морскиот свет, бидејќи го регулира изобилството на други видови и помага во одржувањето на рамнотежата на морските екосистеми.
Ајкулите пливаат долги растојанија во потрага по партнер за мрестење или плен. Тие главно се хранат со цефалоподи и коскени риби како што се скуша, туна, бонито и сабјарка.
Иако неговата брзина, сила и големина го прават совршено способен да убива луѓе, овој вид генерално не ги напаѓа и не ги третира луѓето како плен, велат познавачите. Се верува дека таа може да нападне само ако некој ја вознемири или се обиде да ја фати на јаже.