Пандемијата на коронавирусот ќе има долгорочно влијание на менталното здравје

Од:

Пандемијата на коронавирусот веројатно долгорочно ќе влијае на менталното здравје ширум светот, предупредуваат европските канцеларии на Светската здравствена организација (СЗО) во новиот извештај објавен денеска.

„Психолошките лузни што ги остави пандемијата произлегуваат и од инфекцијата и од стравот од инфекција, но и од психолошките последици од заклучувањето и самоизолацијата, за што многумина се одлучија во обид да го запрат ширењето на болеста“, наведува СЗО.

Покрај тоа, и грижата за невработеноста, финансиите и социјалната изолација може да доведат до пад на општото ментално здравје, се предупредува во извештајот.

– Луѓето во европскиот регион буквално се распаѓаат под притисоците на Ковид-19 и неговите последици“, рече регионалниот директор на СЗО, Ханс Клуге.

Тој истакна дека последиците од болеста во голема мерка ќе влијаат на менталното здравје и благосостојба на луѓето.

Во исто време, како што рече Клуге, „пандемијата им дава шанса на земјите да размислат како да обезбедат грижа за менталното здравје и да ги направат потребните реформи“.

Би можело да ве интересира

Една третина од Европејците чувствуваат зголемена анксиозност за време на пандемија

Пандемијата со Ковид-19 не го забави напредокот на климатските промени

Катерина Павлова-Николовска

Невакцинираните имаат 11 пати поголема веројатност да го загубат животот од Ковид-19

Бајден ја обвини Кина за прикривање информации за потеклото на коронавирусот

Катерина Павлова-Николовска

Швацарски научник предупредува на опасноста од појава на „супер сој“ на коронавирусот

Израелско истражување: Третата доза вакцина дава четири пати поголема заштита од првите две дози