Пакистан ќе набавува руска нафта и гас по намалени цени

Од:

Русија се согласи да испорачува сирова нафта за Пакистан по намалена цена, сооштија денеска властите во Исламабад, во мигови кога земјата се соочува со зголемена побарувачка на енергенси.

„Русија одлучи да обезбеди за Пакистан сирова нафта по намалена цена“, изјави државниот министер за нафта, Мусадик Малик, јави ДПА.

Владата на премиерот Шехбаз Шариф пред неколку седмици најави дека ќе ги истражува можните опции за задоволување на државните енергетски потреби.

Малик минатата недела беше во Русија на разговори за повеќе прашања, вклучително и за снабдувањето со нафта и гас.

„Посетата беше успешна, повеќе од очекувањата“, рече тој, појаснувајќи дека неговата влада соработува со Русија и ги штити националните интереси притоа почитувајќи ги меѓународните правила и прописи.

Според него, националните ресурси на гас во Пакистан се намалуваат по десет проценти годишно, така што неопходни е разгледување на сите можни опции за надминување на проблемите во снабдувањето.

Малик истакна дека од руската страна биле иницирани разговори за воспоставување долгорочни договори за снабдување на Пакистан со течен природен гас. Тој појасни дека меѓувладина делегација од Русија ќе го посети Пакистан во јануари, со очекувања да бидат потпишани конкретни договориза испорака.

Пакистан потребите за енергенси ги задоволува воглавно со увоз на сирова нафта од ОАЕ, Саудиска Арабија и од Кувајт. Недостигот од гас и високите цени на нефтените деривати поттикнаа инфлација и серија протести во земјата.

Извор: МИА

Би можело да ве интересира

Русија го прогласи независниот новински сајт „Медуза“ за непожелна организација

Дачиќ најави можни санкции на Србија против Русија

А1он

Русите истрелаа повеќе од 30 проектили врз Украина

А1он

Руската фрегата „Адмирал Горшков“, вооружена со хиперсонични ракети Циркон ја заврши вежбата

А1он

Борел ја осуди руската одлука за затворање на „Московската Хелсиншка група“

Ана Ололовска

Путин: Американските војници во Германија и натаму се окупаторски сили

Ана Ололовска