Пакистан го ослободи осудениот за обезглавувањето на американскиот новинар Перл

Од:

Пакистанскиот Врховен суд денеска наложи ослободување од затвор на терористот Ахмед Омар Саид Шеик, кој во 2002 година беше осуден за киднапирање и убиство на американскиот новинар Даниел Перл.

За убиството на Перл во 2002 година беа уапсени четири мажи и осудени за киднапирање и убиство на новинарот на Волстрит Џурнал. Шеик, кој е британски државјанин, тогаш беше осуден на смртна казна, но во април 2020 година Вишиот суд во пакистанската провинција Синд ги ослободи тројцата осуденици, а смртната казна за Шеик ја преиначи во доживотен затвор повикувајќи се на недостиг на докази.

Врховниот суд на Пакистан на 28 јануари годинава донесе ослободителна пресуда за Шеик.

Перл (38) истражувал исламистички милитанти во Карачи по нападите во САД на 11 септември 2001 година, а се појави и видео на кое се гледа како тој е обезглавен неколку недели откако бил киднапиран.

Улогата на Шеик во убиството на Перл долго време беше доведена во прашање. За 47-годишниот маж се знае дека учествувал во киднапирањето на новинарот, кој известувал за активностите на Ал Каеда во Карачи, но никогаш не било утврдено дали тој исто така учествувал во неговото убиство.

Би можело да ве интересира

Девојче го нашле мртво во голема цевка, мајката очајна го тужи хотелот

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

Снимки од апсењето на терористите во Русија, откриени и нивните имиња

А1он

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо