Експерти од Меѓународниот центар за отстранување мини при Министерството за одбрана на Русија откриле и неутрализирале повеќе од 15.000 експлозивни направи во Нагорно Карабах.
Информацијата ја потврди Министерството за одбрана на Русија за агенцијата ТАСС.
„Експертите за отстранување мини продолжуваат да работат на територијата на Нагорно Карабах. Тие веќе прегледаа 123 хектари и открија околу 15.500 експлозивни направи, соопшти прес-службата на руското Министерство за одбрана.
Пронајдени се 6.800 артилериски чаури, 3.400 куршуми со различен калибар, над 730 минофрлачки гранати и над 1.100 гранати, како и 100 противтенковски и 196 противпешадиски мини.