Украинскиот претседател Володимир Зеленски денеска нареди целосна проверка на сите засолништа низ земјата.
Тој го изјави ова еден ден откако три лица беа убиени во Киев бидејќи не можеле да стигнат до засолниште за време на руски воздушен напад, пренесува Ројтерс.
Зеленски вчера изјави дека лично ќе го посети погоденото подрачје за да ги собере сите потребни информации.
– Морам да одам таму и сам да се уверам. Детално ќе го истражиме инцидентот – рече претседателот на Украина на прес-конференцијата.