Осумнаесет години од американската инвазија врз Авганистан

Од:

На 7 октомври 2001 година САД првпат ги нападнаа талибанците во Авганистан поради нивното одбивање да го испорачаат Осама бин Ладен, „мозокот“ на терористичките напади на 11 септември во САД, при што загинаа 3.000 луѓе.

САД интервенираа во Авганистан во 2001 година во обид да ја уништат екстремистичката група Ал Каеда, одговорна за нападите од 11 септември и за да ги соборат талибанците од власт во Кабул.

Неколку недели по нападот соборен е фундаменталистичкиот талибански режим во Авганистан, но судирот продолжи и се продлабочи и трае 18 години, што е најдолга војна во американската историја.

Според Обединети нации во периодот од 2015 до 2018 година убиени или повредени се 14.000 деца.

Додека според податоците на УНИЦЕФ бројот на напади врз училишта е двојно зголемен во споредба со 2017 година. Кон крајот на минатата година повеќе од илјада авганистански училишта беа затворени поради судирите.

САД и талибанците од минатата година преговараа за ставање крај на судирите, но на почетокот од минатиот месец американскиот претседател Доналд Трамп ги прекина по смртоносните напади од страна на талибанците.

Во Авганистан во моментот се распоредени од 13.000 до 14.000 американски војници. Во екот на најголемите борби во 2011 година американскиот контингент броеше 98.000 војници. Со договорот требаше да се постигне поголемо или помало повлекување на американските војници, а талибанците требаше да се обврзат дека на териториите под нивна контрола нема да дејствува Ал Каеда и други терористички групи.

Би можело да ве интересира

Во Авганистан убиени двајца обвинители, пропадна размената на затвореници

Ана Ололовска

Најмалку седуммина загинати во експлозија на автомобил-бомба во Кабул

Ана Ололовска

Гани: Авганистан ослободува тројца талибанци во замена за двајца странски професори

Ана Ололовска

Четворица судии убиени во напад врз нивното возило во централен Авганистан

Шест полицајци загинаа од подметната бомба во западен Авганистан

Девет деца загинаа во Авганистан на пат кон училиште

Ана Ололовска