Осуден првиот од напаѓачите на полицајци за време на безредијата во Капитол

Од:

Суд во Вашингтон денеска го осуди првиот од стотината обвинети за напад на службено лице за време на безредијата во американскиот Капитол на 6 јануари 2021 година.

Се работи за Томас Вебстер, пензиониран полицаец од Њујорк кој работел и во обезбедувањето на поранешниот градоначалник на Њујорк, Мајк Блумберг.

Тој е првиот од околу 150 лица кои се обвинето за напад на полицски службеник, а кој имаше и обраќање во самоодбрана пред порота. Судот во Вашингтон пресуди дека е виновен под четири точки.

Првата осуда е поради тоа што тој лани на 6 јануари удирал полицаец од Вашингтон со метална рачка од знаме на маринците. Тој исто така беше осуден за попречување на работата на полицијата, незаконско преминување и агресивно однесување додека носел смртоносно оружје во Капитолот.

Лани на 6 јануари гневна толпа од поддржувачи на поранешниот претседател Доналд Трамп упадна во Капитолот на САД, а по негов претходен повик да се запре процедурата со конгресно гласање за назначување на новоизбраниот претседателски кандидат од демократите, Џо Бајден, за претседател на САД.

За Вебстер и за уште тројца обвинети, судијата назначи дата за изрекување на пресудата во септември.

Извор: МИА

Би можело да ве интересира

Бигс е осуден на 17 години затвор поради раководење на нападот на американскиот Капитол

Горан Наумовски

Се бара казна од 25 затвор за водачот на групата која учествуваше во нападот на Капитол

Американската полиција во состојба на готовност поради евентуални напади пред втората годишнина од упадот во Капитол

А1он

САД: Комисијата што го истражува нападот на Капитол го обвини Трамп за заговор

Ана Ололовска

Следбеник на Кју-Енон осуден на пет години затвор за неговата улога во нападот на американскиот Капитол

Ана Ололовска

Уапсено лице во близина на Капитол во чие возило било откриено оружје

А1он