Генералниот секретар на ОН Антонио Гутереш ја осуди употребата на смртоносна сила во Мјанмар, каде безбедносните сили вчера отворија оган врз демонстрантите при што убија две лица.
„Ја осудувам употребата на смртоносно насилство во Мјанмар“, објави Гутереш на Твитер. „Употребата на смртоносна сила, закани и малтретирање против мирни демонстранти е неприфатлива“, додаде тој.
„Секој има право на мирно собирање. Ги повикувам сите страни да ги почитуваат изборните резултати и да се вратат во цивилната влада”, додаде тој.
Двајца демонстранти беа убиени вчера во централниот град Мандалај, а околу 30 други беа повредени. Ова е најтешкиот судир од превратот од 1 февруари. Ден претходно животот го загуби демонстрантка која беше застрелана на 9 февруари.