Остануваат четворица кандидати за следен претседател на ЕП

Од:

Четворица кандидати остануваат за следен претседател на Европскиот парламент, изјави потпретседателот на ЕП, Педро Силва Переира. Изборот е закажан за утре наутро.

Европратениците ќе избираат меѓу Роберта Мецола (ЕПП, Малта), Алис Кунке (Зелени, Шведска), Косма Злотовски (ЕКР, Полска) и Сира Рего (Левите, Шпанија). Кандидатите може да бидат номинирани или повлечени пред секој круг на гласање.

Првиот круг гласање треба да почне утре претпладне откако кандидатите ќе ги изложат своите ставови за работата на ЕП до 2024 година.

Резултатот од гласањето ќе биде објавен утре напладне. Доколку не се утврди победник, на следното гласање може да учествуваат истите или други кандидати. Доколку во третиот круг никој не биде избран, двајцата кандидати со најмногу гласови во тој круг преминуваат на четвртото и последно гласање. Тогаш ќе победи кандидатот со најмногу гласови, според правилата.

По воведниот говор на новоизбраниот претседател, ќе се изврши избор на останатите членови на раководството на ЕП – потпретседатели. Ќе се утврдуваат и раководствата на собраниските комисии.

Европскиот парламент во Стразбур вечерва оддаде почит на својот претседател Давид Сасоли, кој почина пред една недела, неколку дена пред крајот на неговиот мандат на чело на институцијата.

Би можело да ве интересира

Фон Крамон: Киев ќе ги добие ветените 50 милијарди евра

Европскиот парламент изгласа резолуција против Србија

Европските парламентарци бараат Србија да го екстрадира Милан Радоичиќ на Косово

А1он

Комитетот за надворешни работи на Европскиот парламент го одложи гласањето за извештајот за Македонија

Европскиот парламент повикува на национален консензус за евроинтеграциите

Косово доби визна либерализација