Осло ја обвини Москва за хакерскиот напад врз норвешкиот парламент

Од:

Русија е одговорна за хакерскиот напад, кој во август беше извршен на норвешкиот Парламент, изјави денеска норвешката министерка за надворешни работи Ине Ериксен Сореиде.

– Врз основа на информациите кои ги има Владата, наша проценка е дека Русија е одговорна за овие активности, истакна Сореиде.

Парламентот во Осло соопшти на 1 септември дека бил мета на кибер напад во текот на претходната недела, а биле хакирани електронски пошти на неколкумина пратеници и вработени во законодавниот дом. Тогаш властите не наведоа на кого се сомневаат во врска со нападот.

– Ова е сериозен настан кој ја погоди нашата најважна демократска институција, нагласи шефицата на норвешката дипломатија, без да наведе, доколку се случи, какви чекори ќе преземе Норвешка против Русија.

Шефот на Комисијата за надворешни работи при Советот на Руската Федерација, Константин Косачов, ги нарече неосновани обвинувањата од Осло.

– Како и обично, обвинувањата се изрекуваат без какви било докази или предлози да се разговара за инцидентот на експертско ниво, рече Косачов.

Би можело да ве интересира

Русите спречиле терористички напад: ФСБ уапси три лица

(ВИДЕО) Нова драма во Русија: Евакуиран трговски центар по дојава за експлозивна направа

Катерина Ѓуровски

Објавена снимка од дрон од ужасот и пустошот во Москва

А1он

140 повредени во терористичкиот напад, полесно повредените добиваат амбулантска нега

А1он

Пендаровски го осуди нападот во московската концертна сала Крокус

А1он

Киев одговори на Русија: Тврдењата за наша вмешаност не заслужуваат ни критика

А1он