Оштетениот руски „Сојуз“ слета на Земјата

Од:

Оштетената руска капсула Сојуз МС-22 слета на Земјата денеска, три месеци откако од леталото почна да истекува течност за ладење додека беше приклучено на Меѓународната вселенска станица (ISS). Модулот го заврши двочасовното враќање на Земјата од ISS без екипаж, слетувајќи во казахстанската степа во вторникот попладне, неколку стотици километри од космодромот Бајконур, од каде што Русија лансира вселенски летала.

Слетувањето беше емитувано на интернет од руската вселенска агенција Роскосмос. Истекувањето на течноста за ладење беше откриено во декември и беше предизвикано од дупка од 0,8 милиметри на облогата. Ова е веројатно резултат на удар на метеорит. Поради ова, температурата во капсулата во еден момент се искачила на 30 степени Целзиусови.

Минатата недела Русија испрати резервна капсула МС-23 на ISS и реши да го врати оштетениот вселенски брод МС-22 на Земјата без екипаж.

Двајца руски космонаути и еден американски астронаут кои требаше да се вратат во март ќе останат на ISS до септември. Капсулата се врати со 218 килограми товар, вклучувајќи ги резултатите од научните експерименти и опремата од станицата која повторно ќе се користи во други мисии.

Би можело да ве интересира

Блумберг: Америка тврди дека Русија ќе испрати нуклеарно оружје во вселената оваа година

Не сме сами: се појавуваат докази за живот во вселената

Предраг Петровиќ

Астронаутите инсталираа нови соларни панели на ISS

Ана Ололовска

Најголемата вселенска експлозија: Научниците никогаш не биле сведоци на нешто од вакви размери

Предраг Петровиќ

(ВИДЕО) Лансирана најголемата ракета во историјата: полета, па набрзо експлодира и потполно се распадна

Ана Ололовска

Научниците открија повторлив радио сигнал од планета со големина на Земјата