Опел плати парична казна и нема да оди на суд во Германија поради емисијата на издувни гасови

Од:

Производителот на автомобили Опел нема да се соочи со судска постапка во Германија во врска со емисијата на издувни гасови од возилата со дизел погон, откако плати казна од 64,8 милиони евра (75,5 милиони долари), соопштија денеска обвинителите во Франкфурт.

dobivaj vesti na viber

Казната е изречена бидејќи емисиите од неколку модели на Опел содржат загадувачи на значително повисоко ниво отколку што е соопштено на германскиот орган за лиценцирање возила, информираат обвинителите, пренесува ДПА. Ова значи дека Опел нема да се соочи со серијата судски процеси со кои се соочи конкурентот Фолксваген.

Постапките против шест менаџери на Опел, исто така, се отфрлени – или затоа што нивната улога била ограничена или откако платиле казни.

Опел, во моментов во сопственост на мултинационалната корпорација „Стелантис“, нагласи дека не се соочува со обвиненија за намерен криминал или за инсталирање софтвер за измами, како што беше случај со другите производители.

Германскиот орган за лиценцирање му наложи на Опел во 2018 година да повлече одредени модели. Опел потоа го прилагоди софтверот во посочените возила.

Компанијата беше во сопственост речиси 90 години на американскиот автомобилски гигант Џенерал Моторс, пред да биде преземена од француската групација ПСА во 2017 година, која пак се спои со Фиат Крајслер во Стелантис на почетокот на оваа година.

Би можело да ве интересира

Извори: Германската Влада ќе го одложи гласањето за зголемување на воениот буџет

А1он

СПД: Поразот на изборите во Северна Рајна-Вестфалија не го менува ставот на Владата кон војната во Украина

А1он

Задолжително носење заштитна маска на летовите од и кон Германија

Ана Ололовска

Германија: Сè е подготвено за брза ратификација на членството на Финска и на Шведска во НАТО

Регионални избори во германската покраина Северна Рајна-Вестфалија

Се поголем недостиг на работна сила во Германија, најмногу фалат работници во здравство, образование, градежништво