ОН: Рекорден број жртви во обид да стигнат до Европа

Од:

Над 3.400 лица загинаа оваа година во Средоземно Море во обид да стигнат до Европа, соопшти денеска агенцијата на ОН за бегалци УНХЦР, апелирајќи до властите да преземат мерки за спасување.

Околу 207.000 лица тргнале на ризично патување преку море од јануари годинава, што е речиси три пати повеќе отколку за време на граѓанската војна во Либија 2011 година кога бројката изнесувше 70.000, соопшти УНХЦР.

Од вкупно 207.000 лица кои се обиделе да стигнат до Европа, се удавиле 3,419, додека вкупниот број на жртви во светот на бродови со илегални мигранти годинава достигна 4.272 лица.

Најголем дел од бегалците тргнале од Либија за Италија и Малта во потрага за работа и азил. Меѓу нив 60.051 се Сиријци и 34.561 Еритрејци.

Податоците се објавени на почетокот на дводневниот состанок во Женева во организација на високиот комесар на ОН за бегалци Антонио Гутереш. Средбата е посветена на начините да се заштитат лицата кои бегаат од прогон, војна, нестабилност и сиромаштија.

Гутереш пред состанокот предупреди дека за голем број земји е поважно да ги обезбедат своите граници, отколку да спречат човечки жртви.

Би можело да ве интересира

Полјански: Труењето со осиромашен ураниум ќе прогонува 60 идни генерации на Балканот

Советот за безбедност на ОН не ја усвои американската резолуција со која се бара итен прекин на огнот во Газа

(ВИДЕО) Пресметка меѓу мигрантите и Националната гарда на Тексас кај Ел Пасо

(ВИДЕО) Уапсена е банда која криумчарела мигранти

Бојмацалиев: Намалена илегална миграција за 50 отсто

Приведен криумчар на мигранти: Бегал од полиција, удрил во канделабра

А1он