Повеќе од една третина од луѓето во регионот Тигрeј во Етиопија „страдаат од екстремен недостиг на храна“, соопшти Светската програма за храна на Обединетите нации во новиот извештај за регионот.
– Семејствата ги исцрпуваат сите средства за да се прехранат, при што три четвртини од населението користат екстремни стратегии за преживување, се наведува во извештајот објавен денеска на WFP, забележувајќи го зголемувањето на питачењето и овозможувањето на само еден оброк дневно. Тие ги повикаа сите страни инволвирани во војната во Етиопија да се согласат на хуманитарен прекин на огнот и „формално договорени транспортни коридори“ за помош по 15 месеци војна.
ОН соопштија дека ниту еден хуманитарен конвој не влегол во регионот Тигреј, каде живеат околу шест милиони луѓе, од средината на декември. Одделно, хуманитарната агенција на ОН соопшти дека помалку од 10 отсто од потребните резерви, вклучително лекови и гориво, се доставени во Тигреј од средината на јули. Сите меѓународни невладини организации кои работат во Тигреј го потрошија горивото, „со нивниот персонал кој ги доставува малку преостанатите хуманитарни материјали и услуги пеш, онаму каде што е можно“, објави денеска агенцијата.
Извор: МИА