Повеќето од половина од 642 илјади сириски бегалци, кои побараа засолништа во соседните земји се деца, а бројот на бегалците од конфликтот до јуни може двојно да се зголеми, изјави регионалниот координатор за сириските бегалци во Агенцијата на Обединетите нации за бегалци, Панос Мумцис.
Тој истакна дека се изготвени планови за помош на четири милиони лица во Сирија – два милиони протерани од своите домови и два милиони кои имаат потреба од помош во нивните домови, како и на до 1,1 милион бегалци.
– Ние говориме за помош на една четвртина од сириското население. Еден од секој четворица Сиријци има потреба од хуманитарна помош и сметам дека таа бројка ќе се зголемува, рече Мумцис.
ОН се надева дека ќе собере 1,5 милијарди долари за финансирање на хуманитарната помош за Сирија на донаторската конференција во Кувајт на 30 јануари.