ОН објавија „нон-пејпер“ од самитот КОП27

Од:

Обединетите нации денеска го објавија првиот нацрт-договор од климатскиот самит КОП27 што се одржува во Шарм ел Шеик, Египет.

Документот, означен како „нон-пејпер“ (што покажува дека сè уште е далеку од конечната верзија), ја повторува целта од минатогодишниот договор за климата во Глазгов „да се забрзаат мерките за постепено намалување на употребата на јаглен и постепено укинување и рационализирање на субвенциите за фосилните горива“.

Документот не повикува на постепено укинување на сите фосилни горива, како што бараат Индија и Европската унија. Текстот не вклучува детали за започнување фонд за штети од климатските промени, клучно барање на многу островски држави.

Во документот се нагласува важноста на напорите на сите нивоа за постигнување на целта на Парискиот договор за ограничување на зголемувањето на глобалната просечна температура на 1,5 Целзиусови степени над прединдустриското нивоа.

Документот е заснован на предлози од околу 200 делегати од земјите учеснички на самитот и треба да обезбеди основа за преговори во наредните денови кои најверојатно значително ќе го уасовршат и преработат текстот.

Извор: МИА

Би можело да ве интересира

ОН реагираа на најавата на Путин: Последиците може да бидат катастрофални

Снимката од убивањето на руски воени заробеници „веројатно е автентична“ проценуваат ОН

ОН: Критично во Иран со над 300 убиени лица, меѓу кои и 40 деца

А1он

На КОП27 конечно договорен долго бараниот фонд за компензација

Ана Ололовска

Сè уште нема договор на климатска конференција КОП27

Ана Ололовска

Египет: Незадоволство на сите страни на КОП27

Ана Ололовска