Најмалку 3.543 лица загинале досега во судирите во источна Украина, ако се сметаат и 298 жртви во падот на малезискиот авион, соопшти синоќа Канцеларијата за човекови права на ОН.
Помошникот генерален секретар на ОН задолжен за човекови права Иван Симоновиќ изјави дека е можно оваа бројка да е значително поголема.
Бројот на жртви во судирите во Источна Украина претходно беше проценет на околу 3.000 жртви.
Симоновиќ пред Советот за човекови права на ОН во Женева објави дека Светската организација регистрирала зголемување на бројот на жртвите, особено меѓу средината на јули и средината на август.
До прекинот на огнот постигнат на 5 септември, во просек дневно имало 42 жртви. По овој датум просечнот број на жртви дневно изнесува околу десет лица.