ОН: Милиони деца и жени загрозени по поплавите во Пакистан

Од:

Милиони деца и бремени жени се загрозени во регионите погодени од поплавите во Пакистан и им е потребна итна хуманитарна помош, соопшти Меѓународниот детски фонд на Обединетите нации (УНИЦЕФ).

dobivaj vesti na viber

Децата се соочуваат со болести, давење и неисхранетост поради поплавите во јужноазиската држава, се вели во извештајот на УНИЦЕФ.

Децата се особено склони на болести кои се пренесуваат преку вода, како што се дијареја, респираторни инфекции и кожни болести, додаде УНИЦЕФ.

Во поплавите предизвикани од најобилните врнежи во повеќе од три децении загинаа 1.200 луѓе од средината на јуни и погодија повеќе од 33 милиони, главно во сиромашните јужни и југозападни делови на земјата.

Речиси 600.000 бремени жени во регионите погодени од поплавите имаат итна потреба од медицинска нега и услуги за ментално здравје, соопшти Фондот за население на Обединетите нации (УНФПА).

– Речиси 73.000 жени кои се очекува да се породат следниот месец ќе имаат потреба од квалификувани придружници, грижа за новороденчиња и поддршка, се вели во извештајот на агенцијата.

Милиони жени и девојки, исто така, се соочуваат со ризик од родово насилство, наведе УНПФА, нагласувајќи ги заканите во регионите каде што семејствата живеат во импровизирани засолништа со шатори без пристап до тоалети и соодветна санитација.

Извор: МИА

Би можело да ве интересира

Најмалку 20 загинати во сообраќајна несреќа во Пакистан, меѓу нив 11 деца

А1он

Снимка од застрелувањето на поранешниот премиер на Пакистан, напаѓачот го бркал со пиштол: Пукал на митингот, толпата се распрснала

А1он

Во Најроби убиен познат пакистански новинар

Ана Ололовска

Седумнаесет членови на исто семејство загинаа во опожарен автобус во Пакистан

Ана Ололовска

Напад врз ученици во родниот град на Малала Јусуфзаи

Ана Ололовска

Светска банка вети две милијарди долари за поплавениот Пакистан

Ана Ололовска