ОН: Критично во Иран со над 300 убиени лица, меѓу кои и 40 деца

Од:

Зголемениот број на убиени лица на протестите во Иран, вклучувајќи ја и смртта на две деца изминатиот викенд, како и сè поостриот одговор на властите на протестите во земјата, укажуваат дека ситуацијата достигна критично ниво, изјави портпарол на комесарот на Обединетите Нации, Волкер Турк.

Кабинетот на високиот комесар за човекови права наведува дека во 25 од 31 област, убиени се над 300 луѓе, меѓу кои и 40 деца.

Оттаму изразија и загриженост поради состојбата во курдските градови, каде за време на изминатата недела убиени се над 40 лица.

Иран се соочува со масовни протести од 16 септември, по смртта на 22-годишната Махса Амини, уапсена поради „несоодветна“ облека.

Техеран обвинува странски сили и нивни агенти за поттикнување на протестите, што се претворија во целосен бунт.

Поддршка на демонстрантите им дадоа и иранските фудбалери на Светското првенство со тоа што одбија да ја пеат националната химна.

Извор: МИА

Би можело да ве интересира

Мајкрософт: Хакери од Иран ги хакирале податоците на магазинот Шарли Ебдо

Горан Наумовски

Иранскиот режисер Панахи излезе од затвор со кауција по штрајкот со глад

Затворениот ирански режисер Џафар Панахи почна штрајк со глад

Ана Ололовска

Иран го обвини Израел за нападот со беспилотни летала врз фабриката за муниција во Исфахан

ВИДЕО: Млад пар во Иран објави видео како танцуваат на улица, судот ги осуди на 21 година затвор

А1он

Тајната војна против Иран – проектили, дронови и тајни операции на Револуционерната гарда