ОН: Австралија ги прекрши човековите права на домородно островско население

Од:

Комитетот на ОН за човекови права денеска заклучи дека Австралија ги прекршила човековите права на жителите на островите во теснецот Торес, во близина на нејзиниот северен брег, со тоа што не ги заштитила од ефектите на климатските промени.

dobivaj vesti na viber

Тужбата беше поднесена пред три години од жители на островите во теснецот Торес и нивните деца, а одлуката на Комитетот на ОН може да ги поттикне другите заедници ширум светот да бараат правда за неуспесите поврзани со штетните ефекти од климатските промени.

– Оваа одлука претставува значаен развој на настаните бидејќи Комитетот го отвори патот за поединци да поднесат тужби затоа што националните системи не усвоиле соодветни мерки насочени кон заштита на најранливите од штетните последици на климатските промени и уживање во нивните човекови права, рече членката на Комитетот на ОН Хелен Тигруџа.

Островјаните ја обвинија Австралија за кршење на нивните права на култура, живот и семејство како што е пропишано со Повелбата на ОН.

Зголемувањето на нивото на морето веќе ги оштети изворите на храна и древните погребни места поради што остатоците од тела се расфрлани низ островот.

Заедно со Абориџините, жителите на островите во теснецот Торес се исто така дел од домородното население на Австралија. Од вкупно повеќе од 274 острови, денес се населени 17 од нив, со приближно 6.800 жители.

Теснецот Торес е широк околу 150 километри, многу плиток (до 50 m) премин кој ја дели Австралија од Папуа Нова Гвинеја и ги поврзува Арфуриското и Коралното Море, односно Индискиот Океан со Тихиот Океан.

Извор: МИА

Би можело да ве интересира

Австралија го намали нивото од закана од тероризам

А1он

ОН: Австралија мора да ја укине мерката задолжителен притворот за имигрантите, особено притворањето деца

Средбата на премиерот на Австралија и претседателот на Кина – знак за затполување на билатералните односи

А1он

ВИДЕО: Големи поплави во Австралија, објавена драматична снимка

Ана Ололовска

Гутереш од говорницата на ЦОП27: Или пакт за солидарност или пакт за колективно самоубиство

А1он

ОН: Значителен напредок во преговорите за деблокирање на извозот на руско ѓубриво

Ана Ололовска