Германската канцеларка Ангела Меркел и претседателите на Франција и Русија Франсоа Оланд и Владимир Путин разговараа денеска за ситуацијата во украина и договорија средба на маргините на Самитот Г20, кон почетокот на септември во Кина, соопшти Кремљ.
Тројцата државници телефонски разговараа за ситуацијата во Украина и иднината на договорот од Минск, врз основа на услогласени политички чекори и безбедносни мерки.
„Тројцата лидери се договорија да одржуваат личен контакт околу Украина, посебно за да одржат заедничка средба на маргините на самитот Г20 4-5 септември во Кина“, се наведува во соопштението од Кремљ.