Оланд и Макрон заедно го одбележуваат Денот на победата над фашизмот

Од:

Актуелниот француски претседател Франсоа Оланд и неговиот новоизбран наследник Емануел Maкрон претпалднево заедно присуствуваа на одбележувањето на Денот на победата над фашизмот – 8 мај, јави дописникот на МИА од Париз.

dobivaj vesti na viber

Новоизбраниот француски претседател во текот на денот ќе поднесе оставка на функцијата лидер на неговата центристичка партија Напред (ЕМ), а во следните денови се очекува и да го соопшти името на новиот премиер и составот на неговата влада, во пресрет на парламентарните избори закажани за 11 јуни.

Со освоени 66,1 отсто од гласовите, Макрон на вчерашниот втор круг од претседтелските избори убедливо ја победи Марин Ле Пен, која освои 33,9 проценти од гласовите.

Во вториот круг имаше рекордно ниска излезност од 74,26 отсто, што не е забележано од претседателските избори од 1969 година. Од друга страна повеќе од 4,2 милиони избирачи кои гласаа вчера во кутии уфрлија неважечки и празни ливчиња, што е рекорд за едни претседателски избори.

По вчерашните избори центристичкиот кандидат Макрон на 39 години ќе стане осмиот претседател на Петтата Република и најмлад во историјата.

Мандатот на Оланд официјално истекува следната недела, а примопредавањето на власта е предвидено да се одржи за време на викендот.

Доцна синоќа Maкрон се обрати пред неговите симаптизери – меѓу 20.000 и 40.000 според различни извори – на плаѕото пред пирамидата во музејот „Лувр“.

Макрон призна дека неговата победа не е „бланко чек“, а една од првите мерки кои ги најави е воведување на законодавството за „политичка морализација”. Макрон, исто така, сака да се реформира законот за работни односи, со уредби уште во текот на летото.

Марин Ле Пен, од своја страна, и покрај нејзиниот јасен пораз се радува на „историскиот рекорд на освоени гласови“ со што, како што оцени нејзиниот Национален фронт станал „најголема опозициска сила“. Со освоени над 10,6 милиони гласови, Ле Пен го надмина својот претходен рекорд од првиот круг кога доби 7,7 милиони гласови.

Би можело да ве интересира

Франција репатрираше група жени и деца од кампови на ИД во Сирија

Франција стана најголем купувач на руски природен гас: Која е причината?

Ле Мер: ЕУ работи на алтернативни начини за воведување глобална даночна стапка

А1он

Францускиот предлог стигна до Владата

Катерина Павлова-Николовска

Завршува Француското претседавање со Европската Унија

Јаел Браун-Пивет е избрана за претседателка на Националното собрание на Франција

А1он