„Оксфам“: Природните непогоди раселуваат по 20 милиони луѓе годишно

Од:

Природните непогоди како резултат од климатските промени принудуваат по 20 милиони луѓе годишно да ги напуштат своите домови во последната деценија, што е еквивалентно на едно лице на секои две секунди. Тоа се наведува во нов извештај на Оксфам.

Тоа ја прави климата најголем фактор за внатрешно раселување во период, кога сиромашните земји ширум светот имаат најголем ризик, иако во нив има далеку помалку емисии на јаглерод отколку во побогатите земји.

Луѓето имаат седум пати поголема веројатност да бидат внатрешно раселени од поплави, циклони и пожари од вулкански ерупции и земјотреси, а трипати поголема веројатност од конфликти, истакнува Оксфам.

Тоа е една од многуте теми за климата што ќе се дискутира на конференцијата на ОН за климатски промени, што почнува денеска во Мадрид.

Оксфам ја повикува меѓународната заедница да направи повеќе за финансирање на програми за да им помогне на посиромашните земји погодени од климатските промени.

Земјите со ниски приходи, како Индија, имаат четирипати поголема веројатност да бидат погодени од раселување заради климатските промени од земјите како што се Шпанија и САД.

Географијата исто така игра улога – 80 отсто од погодените живеат во Азија.

Малите островски држави како Куба, Доминика и Тувалу се особено ранливи, што ги прави 7 од првите 10 земји со најголема стапка на раселување заради природни катастрофи помеѓу 2008 и 2018 година.

Луѓето кои живеат во тие мали островски земји имаат 150 пати поголема веројатност да бидат раселени како резултат на природни непогоди отколку оние кои живеат во Европа, се вели во извештајот на организацијата што ги анализирала податоците за раселените лица од 2008 до 2018 година.

Би можело да ве интересира

Италија бележи повеќе мигранти што во земјата стигнале преку Балканската рута

А1он

Пронајдени 94 мигранти во камион на патот Радовиш-Штип, возачот избегал

А1он

33 мигранти спасени од чамци во Ламанш

А1он

Босанските гранични полицајци спречиле во земјата да влезат 183 мигранти

А1он

Прогласена кризна состојба на дел од територијата на Македонија поради зголемен обем на влез и транзитирање на мигранти

А1он

Од грчките острови во Белгија пристигнаа 18 деца бегалци без придружба

А1он