Безбедносната агенција на самопрогласената Доњецка Народна Република (ДНР) денеска соопшти дека во изминатите две недели околу 70 украински војници го положиле оружјето и им се предале на руските сили на територијата на ДНР.
„Околу 70 украински војници се предадоа само во изминатите две недели. Повеќето од нив доброволно го положија оружјето и сакаа да си ги спасат животите“, изјави офицер на агенцијата за безбедност во интервју за Тас.
Според него, повеќето од нив се бореле на првите борбени линии во Авдеевка, Доњецк и Угледар.